Скончыла Балхашскае тэхнічнае вучылішча (1957). Працавала ў лябараторыі вышуку грунту ў Алма-Аце, затым у г. Нерынгры Якуцкай АССР інжынэрам, загадчыкам лябараторыі.
Ад 1991 г. на заслужаным адпачынку і з сям’ёй пераехала ў м. Горкі Магілёўскай вобласьці.
Людміла Шыпіна ад 1994 г. чалец аб’яднаньня “Мастацтва” пры Горацкай карціннай галерэі. Яна майстрыха дэкаратыўна-прыкладнага мастацтва. Прымае ўдзел у выставах майстроў дэкаратыўна-прыкладнага мастацтва места, раёну, вобласьці, рэспублікі. У 1997 г. адбылася ейная пэрсанальная выстава ў Горацкай карціннай галерэі.
Літаратура:
* Кальчэўская І.
Майстэрства. Фантазія. Шчырасць. // Ленінскі шлях. Горкі. 18 сьнежня 1996. С. 3.
* Міхайлаў У. Почырк майстрыхі. // Ленінскі шлях. Горкі. 7 сакавіка 1997. С. 2.
* Шылава Л. Госця маслакоўцаў – майстрыха. // Ленінскі шлях. Горкі. 23 лістапада 2002. С. 7.
* Авраменко Л. Мир красоты. // Ленінскі шлях. Горкі. 4 сьнежня 2002. С. 3.
Зайда Швачка,
Койданава
ЦУДОЎНЫ РАДОК МАЙСТРА
Колькі ўсяго прыгожага вакол нас, колькі неабдымнага і неспазнанага! Але гэта ўжо не цікавіць, не прываблівае і не абуджае душу. Колькі шчасьця можна знайсьці ў тым, што на першы погляд здаецца такім непрыкметным! Аднак людзі не заўважаюць гэтага. Яны зусім развучыліся кахаць, радавацца сонцу, блакітнаму небу i жыцьцю.
На выставе, што разгорнута ў горацкай карціннай галерэі, вы ўбачыце прыгожыя сурвэткі, машынную вышыўку, якую майстарка зрабіла сваімі рукамі. Вытанчаныя творы мастацтва зроблены Людмілай Васільеўнай Шыпінай, членам народнага аб’яднаньня “Мастацтва”, прыгожай жанчынай, добрым і таленавітым чалавекам.
Выстава гасьцінна адчыняе дзьверы для аматараў мастацтва і тых, хто цікавіцца мастацтвам вышыўкі “гладзьдзю” і вышыўкі “рышэлье”. Гэтыя карункі жыцьця дапамагаюць жыць і Людміле Васільеўне. Зараз жыве майстарка ў Горках, але нарадзілася ў Хабараўску. Пасьля заканчэньня школы паступіла ў тэхнічнае вучылішча ў г. Балхаш, якое скончыла у 1957 годзе. Працавала ў лябараторыі вышуку грунту ў Алма-Аце, затым – у Якуціі ў г. Нерунгры інжынерам, потым загадчыкам лабараторыі.
У Горках – з 1991 года. Некаторы час працавала у гімназіі №1, вяла гурток машыннай вышыўкі.
Вышыўкай пачала займацца ў Алма-Аце, дзе наведвала гурток і ўдасканальвала свае майстэрствы па розных дапаможніках. Больш ярка яе талент праявіўся менавіта ў нашым горадзе.
Людміла Васільеўна – член аб’яднаньня “Мастацтва” з 1994 года. Гэта яе чацьвёртая пэрсанальная выстава. Яна актыўна ўдзельнічала ў абласных і рэспубліканскіх выставах майстроў дэкаратыўна-прыкладнага мастацтва, гарадзкіх i раённых сьвятах. Яе творы славілі горацкую зямлю на Днях Магілёўшчыны ў Мінску, на Рэспубліканскіх фэстывалях-кірмашах “Дажынкі-2000” у Шклове, “Дажынкі – 2006” у Бабруйску, на сьвяце “Горад майстроў”.
У майстаркі шмат прыхільнікаў яе таленту. Сваімі творамі яна прыносіць прысутным вялікае маральнае задавальненьне.
Хочацца сказаць ёй вялікі дзякуй за цудоўную выставу і пажадаць творчага неспакою, посьпехаў і натхненьня.
Валянціна Белавусава
27 лістапада 2009
Brak komentarzy:
Prześlij komentarz