Уладзімер Якаўлевіч Пузыня – нар. 26 лютага 1940 г. у в. Суцін
Любанскага раёна Мінскай вобласьці БССР (СССР).
У
1964 г. скончыў Мінскую музычную вучэльню імя М. Глінкі, Мінскі інстытут
культуры (1989).
У
1965-1978 гг. артыст Дзяржаўнага народнага аркестру Беларусі імя Жыновіча.
Адначасова ад 1972 г. працаваў у Мінскім абласным, у рэспубліканскіх
навукова-мэтадычных цэнтрах народнай творчасьці і культурна-асьветніцкай
работы.
Ад
1979 г. пэдагог-ілюстратар сярэдняй спэцыяльнай музычнай школы пры Беларускай
кансэрваторыі, старшы мэтадыст па фальклёры пры Мінскім абласным мэтадычным
цэнтры.
Ад
1982 г. майстар, у 1983-1988 гг. загадчык вучэбнай майстэрні па рэстаўрацыі,
рамонце і вырабе народных музычных інструмэнтаў Мінскага інстытуту культуры.
Стваральнік
музэю беларускіх музычных старажытных інструмэнтаў “Беларуская хатка”. Вырабляў
беларускія народныя музычныя інструмэнты: аэрафоны сапранавыя, альтавыя,
басовыя дудкі; жалейкі, дуды, трубы ды хардафоны.
Выступаў
на беларускіх музычных інструмэнтах у канцэртных праграмах ды фэстах народнай
творчасьці.
Жадаў наведаць Якутыю. Паводле Пузыніных слоў, яго
запрашала ў Якуцк нейкая якутка-дзяўчына. Прасіў яе знайсьці. Але калі
даведаўся што ў Якуцку жыве безьліч дзяўчат-якутак, што зорак на небе, вельмі дзіваваўся.
Заслужаны дзеяч мастацтваў Беларусі (1994).
Памёр 18 верасьня 2012 г. у Менску.
Творы:
Лірнік. Школа ігры на беларускіх народных інструментах.
Мінск. 1993. 140 с.
Ілюстратыўны
дадатак да “Школы ігры на беларускіх народных інструментах” . Мінск. 1995. 7 с.
Літаратура:
Пузыня Уладзімір Якаўлевіч. // Беларуская
энцыклапедыя ў 18 тамах. Т. 13. Мінск. 2001. С. 118-119.
Нэля Хамус,
Койданава
Brak komentarzy:
Prześlij komentarz